Հավաքական անվտանգության պայմանագրի կազմակերպության Խորհրդարանական վեհաժողովի (ՀԱՊԿ ԽՎ) խորհրդի նիստը տեղի կունենա երկուշաբթի օրը՝ Երևանում։
Նիստը կվարի ՀԱՊԿ ԽՎ նախագահ, ՌԴ Պետդումայի նախագահ Վյաչեսլավ Վոլոդինը։ Հանդիպման շրջանակներում նախատեսված են հանդիպումներ նաև ՀԱՊԿ անդամ երկրների խորհրդարանների նախագահների հետ։
Ավելի վաղ Վոլոդինը Տաջիկստանի խորհրդարանի ստորին պալատի նախագահ Մահմադթոյր Զոիր Զոկիրզոդայի հետ քննարկել է ՀԱՊԿ ԽՎ խորհրդի նիստի օրակարգը։ ՌԴ Պետդումայի նախագահը հանդիպման նախապատրաստական աշխատանքները քննարկել է նաև Ղրղզստանի Ժողորկու Քենեշի նախագահ Տալանտ Մամիտովի, Ղազախստանի խորհրդարանի մաժիլիսի ղեկավար Երլան Կոշանովի, Հայաստանի Ազգային ժողովի նախագահ Ալեն Սիմոնյանի և Բելառուսի Ազգային ժողովի ներկայացուցիչների պալատի ղեկավար Վլադիմիր Անդրեյչենկոյի հետ։
ՀԱՊԿ ԽՎ խորհուրդը կազմակերպում է վեհաժողովի աշխատանքները և բաղկացած է Հայաստանի, Բելառուսի, Ղազախստանի, Ղրղզստանի, Ռուսաստանի և Տաջիկստանի խորհրդարանների ղեկավարներից (խորհրդարանների պալատների ղեկավարներից):
.gif)
