ՆԱՏՕ-ի գլխավոր քարտուղար Յենս Ստոլտենբերգը Բրյուսելում դաշինքի երկրների պաշտպանության նախարարությունների ղեկավարների հանդիպումից հետո, որտեղ քննարկվել է արևելյան ուղղությամբ հետագա ամրապնդման հարցը, բացահայտել է պաշտպանության նոր մոդելի մանրամասները, որը, մասնավորապես. կօգտագործվի Ռուսաստանի հետ սահմանների մոտ։
Ստոլտենբերգն ակնկալում է, որ սխեման կհաստատվի հունիսի 28-30-ը Մադրիդում կայանալիք գագաթնաժողովում։
Նրա խոսքով՝ նոր «ուժի տեղակայման մոդելը» բաղկացած է մի շարք տարրերից. «Դա վերաբերում է, մասնավորապես, ՆԱՏՕ-ի ուժերի ցամաքային բաղադրիչին՝ դաշինքի արևելյան թևում։ Առաջինը նախնական դիրքավորման ուժեղացումն է։ Մենք արդեն մեծացրել ենք մեր ներկայությունը, կրկնապատկել ենք մարտական խմբավորումները արևելյան թևում՝ վերջին ամիսներին չորսից մինչև ութ»,- ասել է նա։
Նրա խոսքով՝ երկրորդ բաղադրիչը «մարտական խմբերի, այդ թվում՝ հրամանատարական հնարավորություններ ունեցողների հզորացումն է, որն անհրաժեշտ է արագ կազմակերպվելու համար»։
«Մյուս տարրը զենքի և տեխնիկայի նախնական տեղակայումն է… Որպես կանոն, դժվարություններ են առաջանում ծանր սպառազինության և զինամթերքի տեղափոխման հետ կապված, ավելի հեշտ է կազմակերպել ուժերի տեղակայումը, եթե կան զենքի և զինամթերքի պահեստներ»,-պարզաբանել է նա։
Մոսկվան բազմիցս ընդգծել է, որ Ռուսաստանը երբեք չի հարձակվի ՆԱՏՕ-ի երկրներից որևէ մեկի վրա։ ՌԴ ԱԳ նախարար Սերգեյ Լավրովի խոսքերով, ՆԱՏՕ-ն լավ գիտի, որ Մոսկվան չունի որևէ մեկի վրա հարձակվելու ծրագրեր, այլ պարզապես օգտագործում է պատրվակը, որպեսզի ավելի շատ տեխնիկա և գումարտակներ տեղակայի Ռուսաստանի սահմանների մոտ: Մոսկվան բազմիցս մտահոգություն է հայտնել Եվրոպայում դաշնակցային ուժերի կուտակման կապակցությամբ:
.gif)
