«Արարատը» շվեյցարացի նոր ֆուտբոլիստ ունի

Երևանի «Արարատը» պայմանագիր է ստորագրել շվեյցարացի երիտասարդ ֆուտբոլիստ Դրիլոն Կաստրատիի հետ:

Այս մասին հայտնում է ակումբի մամուլի ծառայությունը: Նա ծնվել է 2001 թվականի հոկտեմբերի 23-ին, Ցյուրիխում:

20-ամյա կիսապաշտպանը խաղացել է շվեյցարական «Ցյուրիխի» և գերմանական «Ֆրայբուրգի» երիտասարդական թիմերում, ինչպես նաև Շվեյցարիայի մինչև 17 տարեկանների հավաքականում:

Նրա նախորդ ակումբն եղել է շվեյցարական «Շաֆհաուզենը»: