ԱՄՆ-ի և Ֆրանսիայի նախագահներ Ջո Բայդենը և Էմանուել Մակրոնը «սարսափելի» են որակել ռուսական զորքի հրթիռային հարվածն ուկրաինական Կրեմենչուգ քաղաքի առևտրի կենտրոնի վրա, որի հետևանքով տասնյակ խաղաղ բնակիչներ են զոհվել և վիրավորվել։
«Ռուսաստանի հարձակումը խաղաղ բնակիչների վրա առևտրի կենտրոնում սարսափելի է: Մենք համերաշխ ենք ուկրաինացի ժողովրդի հետ: Ինչպես ցույց տվեց G7-ի գագաթնաժողովը, Միացյալ Նահանգները, մեր դաշնակիցների և գործընկերների հետ, կշարունակի Ռուսաստանին պատասխանատվության ենթարկել նման վայրագությունների համար և աջակցել, պաշտպանել Ուկրաինային»,- գրել է Բայդենը Twitter-ում։
«Ռուսաստանի կողմից Կրեմենչուգում առևտրի կենտրոնի հրթիռակոծումը կատարյալ սարսափ է: Մենք կիսում ենք զոհերի ընտանիքների ցավը: Եվ զայրույթը նման ստորության նկատմամբ: Ռուս ժողովուրդը պետք է տեսնի ճշմարտությունը», – գրել է Մակրոնը:
Հունիսի 27-ին Ռուսաստանը հրթիռային հարված է հասցրել Կրեմենչուգի առևտրի կենտրոնին։ Հարվածի պահին առևտրի կենտրոնում ավելի քան 1000 այցելու է եղել: Վերջին տվյալներով՝ զոհվել է 16 մարդ, վիրավորվել՝ 59-ը, ավելի քան 40-ն անհետ կորել է։ Փրկարարները շարունակում են հետևանքների վերացումը և տուժածների որոնումը։
Обстрел Россией торгового центра в Кременчуге – это полный ужас. Мы разделяем боль семей жертв. И гнев перед лицом такой подлости. Российский народ должен увидеть правду:pic.twitter.com/7drortbGSE
— Emmanuel Macron (@EmmanuelMacron) June 27, 2022
.gif)
