Կանադան Հարավային Կովկասում իր առաջին դեսպանությունը բացում է Հայաստանում

Կանադան Հայաստանում դեսպանություն է բացում․ Կանադայի արտաքին գործերի նախարար Մելանի Ժոլին իր երկրի այդ որոշումը համարում է հայկական ժողովրդավարությանը Կանադայի աջակցության ավելացման կարևոր երաշխիք։

«Սա թույլ կտա ավելի ամուր կապեր հաստատել մեր երկրների միջև և կավելացնի Կանադայի աջակցությունը հայկական ժողովրդավարությանը: Քանի որ կայունություն ու անվտանգություն ապահովող կանոնները ենթարկվում են մարտահրավերների, Կանադան կաշխատի հանուն գլոբալ խաղաղության և ժողովրդավարության պաշտպանության»,-նշել է Կանադայի ԱԳ նախարարը «Թվիթեր»-ի իր միկրոբլոգում կատարված գրառման մեջ։