Հայաստանի ֆուտբոլի ազգային թիմի հարձակվող Սարգիս Ադամյանը կարող է «Հոֆենհայմ»-ից տեղափոխվել գերմանական մեկ այլ ակումբ:Այս մասին գրում են գերմանական ԶԼՄ-ները:
Ըստ պարբերականների, Ադամյանը կտեղափոխվի «Քյոլն», որի հետ կկնքի երկու տարվա պայմանագիր:
Ավելի վաղ հայտնի է դարձել, որ Հայաստանի ֆուտբոլի ազգային հավաքականի հարձակվող Սարգիս Ադամյանը «Բրյուգե»-ից կվերադառնա «Հոֆենհայմ», որի հետ պայմանագիր ունի մինչև 2023 թվականը:
Սարգիս Ադամյանն ավարտված մրցաշրջանի երկրորդ հատվածը վարձավճարով անցկացրել է բելգիական «Բրյուգե» ակումբում, որի կազմում դարձել է Բելգիայի չեմպիոն: «Բրյուգե»-ի կազմում Ադամյանը մասնակցել է 16 խաղի՝ դառնալով 6 գոլի և 1 գոլային փոխանցման հեղինակ:
.gif)
