ՄԱԿ Գլխավոր ասամբլեայի նախագահը կժամանի Հայաստան

Միացյալ ազգերի կազմակերպության Գլխավոր ասամբլեայի նախագահ Աբդուլլա Շահիդը կժամանի Հայաստան:

ՀՀ վարչապետ Նիկոլ Փաշինյանը ՄԱԿ-ի Գլխավոր ասամբլեայի նախագահի առաջիկա այցի հետ կապված որոշում է ստորագրել, որը հրապարակվել է ՀՀ կառավարության e-gov.am կայքում:

Ինչպես նշված է վարչապետի որոշման մեջ, ՄԱԿ-ի Գլխավոր ասամբլեայի նախագահի գլխավորած պատվիրակությունը Հայաստանում կլինի հուլիսի 26-29-ը:

Աբդուլլա Շահիդի գլխավորած պատվիրակության այցի հետ կապված ՀՀ վարչապետը մի շարք գերատեսչությունների հանձնարարականներ է տվել: