Մետրոպոլիտենը վերսկսել է բնականոն աշխատանքը

Երևանի քաղաքապետարանը հայտարարություն է տարածել, որում ասվում է․

«Հարգելի քաղաքացիներ,

այսօր առավոտյան ժամը 06:00-ից Կ. Դեմիրճյանի անվան Երևանի մետրոպոլիտենը չէր գործում, քանի որ մեքենավարները հրաժարվել էին դուրս գալ աշխատանքի: Վերջիններս պահանջում են աշխատավարձի բարձրացում:

Մետրոպոլիտենի տնօրինության և աշխատանքի դուրս չեկած մեքենավարների միջև բանակցությունների արդյունքում մետրոպոլիտենի բնականոն աշխատանքը 09:30-ից վերականգնվել է:

Պատճառված անհարմարությունների համար հայցում ենք ձեր ներողամտությունը»:

Հիշեցնենք, որ այսօր առավոտյան վեցից Երևանի մետրոն չի գործել, քանի որ մեքենավարները գործադուլ են սկսել՝ պահանջելով աշխատավարձի բարձրացում։