Ռուսաստանի հետ բանակցությունները հնարավոր են միայն այն բանից հետո, երբ ռուսական զորքերը դուրս գան օկուպացված տարածքներից, օգոստոսի 18-ին հայտարարել է Ուկրաինայի նախագահ Վլադիմիր Զելենսկին՝ Թուրքիայի նախագահի և ՄԱԿ-ի գլխավոր քարտուղարի հետ Լվովում կայացած բանակցություններից հետո։
Մոսկվան բազմիցս ընդգծել է Կիևի հետ բանակցությունների իր պատրաստակամությունը, սակայն նշել է, որ Ուկրաինայի ղեկավարությունն ինքը չի ցանկանում կարգավորման դիվանագիտական ուղիներ փնտրել։ Այսպիսով, հենց Ուկրաինան է դուրս եկել Ստամբուլում պատվիրակությունների բանակցային գործընթացից։
Միաժամանակ Կիևի պաշտոնյաները բազմիցս հայտարարել են, որ Ուկրաինայի զինված ուժերը մտադիր են մարտի դաշտում հաղթել Ռուսաստանին, և միայն դրանից հետո կարող են բանակցություններ սկսել։
Օգոստոսի 5-ին ՄԱԿ-ում ՌԴ մշտական ներկայացուցչի առաջին տեղակալ Դմիտրի Պոլյանսկին ասել է, որ ուկրաինական պատվիրակությունը պատրաստ չէ կարգավորման լուրջ բանակցություններ վարել, և առաջադրված պայմանները ծիծաղելի են։
.gif)
