ՏԵՍԱՆՅՈՒԹ. ԿԳՄՍ նախարարը դուրս է եկել վարչապետի դեմ. նա գաղտնի հանդիպումներ է փնտրում ռեկտորների հետ

ArmLur.am-ի տեղեկություններով` ՀՀ վարչապետ Նիկոլ Փաշինյանի` սեպտմբերի 1-ի կառավարության նիստում հայտարարությունը  Ակադեմիական քաղաք ստեղծելու եւ Հանրապետության բոլոր պետական բուհերը Աշտարակ քաղաք տեղափոխելու մասին, պայթունավտանգ իրավիճակ է ստեղծել Երեւանի պետական բուհերում:

Մեր տեղեկությունների համաձայն՝ ԿԳՄՍ նախարար Վահրամ Դումանյանն ամենեւին էլ  չի կիսում վարչապետի եւ կառավարության նոր նախագիծը ԲՈՒՀ-երի միավորման հետ կապված, եւ որպեսզի պատասխանատվությունն իր ուսերից գցի, նախարարը հանդիպումներ է փնտրում տարբեր համալսարանների ռեկտորների, պրոֆեսորների հետ  եւ իր դժկամությունն է հայտնում` ասելով, որ նա եւս դեմ է, եւ փորձում է ամեն կերպ պայքարել այդ նախագծի դեմ:

Բացի դա գաղտնիք չէ  Վահրամ Դումանյան-Արայիկ Հարությունյան հակամարտությունը: Ավելին, ըստ ArmLur.am-ի տեղեկությունների, վերջին շրջանում նրանց հարաբերություններն էլ ավելի են լարվել:

Ասել է թե` Վահրամ Դումանյանը ներքին պայքար է սկսել Նիկոլ Փաշինյանի կառավարության դեմ՝ փորձելով պատասխանատվությունը գցել Կառավարության վրա, որպեսզի ինքը ջրից չոր դուրս գա:

ArmLur.am-ը խոսեց նաև ԿԳՄՍ նախարար Վահրամ Դումանյանի հետ՝ ճշտելու վերը նշված տեղեկությունները: Ի պատասխան մեր հարցադրման` նախարարը նշեց. «Այդ տեղեկությունները չեն համապատասխանում իրականությանը»:

Լիդա Եղիազարյան