Սիրիայի տարբեր շրջաններում խոլերայի բռնկում է սկսվել, որի հետևանքով երեք մարդ է զոհվել, հայտարարել են իշխանությունները:
Դամասկոսի կողմից չճանաչված Քրդական ինքնավար վարչությունը շաբաթ օրը հայտարարել է Ռաքքայում և Դեյր էզ Զորի շրջանում խոլերայով հիվանդացած երեք մարդու մահվան մասին։ Վարչակազմի առողջապահության վարչությունը կոչ է արել միջազգային կազմակերպություններին օգնել տարածաշրջանին խոլերայի դեմ պայքարում, հայտնում է Rudaw հեռուստաալիքը։
Իր հերթին, Սիրիայի առողջապահության նախարարությունը հայտնել է Հալեպ նահանգում խոլերայի 15 դեպքի մասին։
Առաջին դեպքը ինը տարեկան երեխա էր, ով բուժօգնություն ստանալուց հետո արդեն դուրս է գրվել։
Ստուգումների շրջանակում խոլերայի նմուշներ են հայտնաբերվել կոյուղաջրերում և սառցաբեկորների գործարանում, որն անմիջապես փակվել է դրանից հետո, հաղորդում է SANA-ն։ Խոլերայի այս բռնկումը առաջինն է երկար տարիների ընթացքում:
.gif)
