ՀՀ իշխանությունների կողմից ստորագրվելիք՝ ցանկացած փաստաթղթում պետք է հաշվի առնվեն Արցախի ժողովրդի շահերը. Արայիկ Հարությունյան

Այսօր արդեն երկրորդ հայտարարություն է տարածել Արցախի Հանրապետության նախագահ Արայիկ Հարությունյանը:

Հարգելի ՛ հայրենակիցներ

Մեկ անգամ ևս անդրադառնալով թեմային՝ նշեմ, որ Արցախի հարցով այս ընթացքում բարձր մակարդակով ՀՀ իշխանությունների կողմից անցկացված բոլոր միջազգային քննարկումների մասին տեղեկացված եմ մանրամասնությամբ, քանի որ պարբերաբար տեղի են ունենում համատեղ խորհրդակցություններ։

Ընդգծում եմ, որ, ՀՀ իշխանությունների հետ ձեռք բերված պայմանավորվածության համաձայն, նրանց կողմից ստորագրվելիք՝ Արցախին առնչվող ցանկացած փաստաթղթում անպայման պետք է հաշվի առնվեն Արցախի Հանրապետության ժողովրդի շահերն ու կարծիքը։

Հավելեմ՝ առայսօր այդ համատեքստում որևէ փաստաթղթի նախագիծ անգամ առկա չէ։