ՏԵՍԱՆՅՈՒԹ. Չի՞ պատրաստվում նորանշանակ դատախազը ձերբակալել Նիկոլ Փաշինյանին. ինչպես Աննա Վարդապետյանը ժամանեց Գլխավոր դատախազություն

Այս պահին Գլխավոր դատախազությունում կոլեգիայի նիստ է: Գլխավոր դատախազ Արթուր Դավթյանը հրաժեշտ է տալիս աշխատակիցներին: Քիչ առաջ Գլխավոր դատախազություն ժամանեց նորանշանակ դատախազ Աննա Վարդապետյանը եւ ArmLur.am վերջինիս հարց ուղղեց, թե 44-օրյա պատերազմի զոհերի հարազատները արդեն երկու տարի է, ինչ պահանջում են Նիկոլ Փաշինյանը ձերբակալել, արդյոք նա պատրաստվո՞ւմ է ձերբակալել Նիկոլ Փաշինյանին:

Հիշեցնենք, որ «Ժողովուրդ» օրաթերթը գրել էր. «Հայաստանում արդեն երրորդ օրն է՝ ծանր մարտեր են ընթանում, ինչի հետեւանքով, ըստ ՀՀ վարչապետ Նիկոլ Փաշինյանի, ունենք 105 զոհ, եւ հակառակորդը 10 քառակուսի կիլոմետր օկուպացրել է Հայաստանից։ Այս իրավիճակին զուգահեռ՝ այսօր ՀՀ գլխավոր դատախազը հրաժեշտի ցերեկույթ է կազմակերպել: Այսօր՝ ժամը 14:00-ի սահմաններում, Գլխավոր դատախազությունում կոլեգիայի նիստ կլինի, որից հետո Արթուր Դավթյանը հրաժեշտ կտա դատախազությանը եւ գլխավոր դատախազի ղեկը կհանձնի Աննա Վարդապետյանին: Հիշում եք՝ 2013 թվականի սեպտեմբերի 13-ին, երբ գլխավոր դատախազ Աղվան Հովսեփյանը հրաժեշտ տվեց պաշտոնին, բավականին սրտառուչ քայլ կատարեց:

Դատախազ Հովսեփյանը համբուրեց դատախազության դուռը, ձեռքերը միացրեց, ինչպես աղոթքի ժամանակ խոնարհվեց եւ քայլելով հեռացավ դատախազությունից, ինչպես սրբավայրից կբաժանվեր: Հետաքրքիր է՝ Արթուր Դավթյանը կհամբուրի արդյոք դատախազության շենքի դուռը՝ ձեռքերը միացնելով, ինչպես աղոթքի ժամանակ, եւ կխոնարհվի, թե այլ կերպ կհեռանա»։

Քնար Մանուկյան, Հովսեփ Հովսեփյան

Մանրամասները՝ տեսանյութում