Մեծ Բրիտանիայում ստորագրահավաք են սկսել Change.org հարթակում Ուելսի արքայազնի տիտղոսը վերացնելու համար։ Այս մասին տեղեկություն է տրամադրում կայքը։
Այս պահին ստորագրահավաքին արդեն աջակցել է 26493 մարդ։ Նմանատիպ հասարակական արձագանք է առաջացրել վերջերս թագավոր Չարլզ III-ի որդու՝ Ուիլյամի կողմից Ուելսի արքայազնի տիտղոսը ձեռք բերելը։ Երկրի որոշ բնակիչներ կոչումը հնացած են համարել։
«Ուելսի վերջին անկախ տիրակալ Լլիվելին Վերջինի և Ուելսի «ապստամբ» արքայազն Օվեյն Գլինդրի ժամանակներից ի վեր այդ տիտղոսը կրում էին բացառապես բրիտանացիները՝ որպես Ուելսի նկատմամբ գերակայության խորհրդանիշ։ Տիտղոսը համարվում է վիրավորանք Ուելսի համար և պատմական ճնշումների խորհրդանիշ: Տիտղոսը ենթադում է, որ Ուելսը դեռևս կոմսություն է, ինչը խաթարում է Ուելսի՝ որպես երկրի կարգավիճակը»,- ասվում է միջնորդագրում։
.gif)
