Լեհաստանի բարձրաստիճան ղեկավարության ներկայացուցիչները շաբաթ օրը մասնակցում են նոր, թեեւ անավարտ, նավագնացության ճանապարհի բացմանը, որն, ըստ նրանց, նշանակում է, որ նավերը Բալթիկ ծովից դեպի Վիսլինյան ծովածոցի նավահանգիստներ նավարկելու համար այլեւս չպետք է Ռուսաստանի թույլտվությունը ստանան, հաղորդում է AP-ն:
«Այս միջոցառումը խորհրդանշական կերպով ցույց տվեց Մոսկվայի ազդեցության ավարտը Ռուսաստանի Դաշնության Կալինինգրադի մարզին սահմանակից տարածաշրջանի տնտեսության եւ զարգացման վրա»,- նշում է լրատվամիջոցը։ Կառավարությունը պնդում է, որ այս ջրային ճանապարհը Լեհաստանին լիակատար ինքնիշխանություն է տալիս հյուսիսարեւելյան տարածաշրջանում, որը ներդրումների եւ տնտեսական զարգացման կարիք ունի։
Ջրանցքը, որի կառուցումն արժեցել է գրեթե 2 միլիարդ զլոտի (420 միլիոն դոլար), անցնում է Գդանսկից արեւելք գտնվող Վիսլինյան աղեղով եւ նախագծված է, որպեսզի նավերը Բալթիկ ծովից եւ Գդանսկի ծոցից դեպի Էլբլագ եւ ծովածոցի փոքր նավահանգիստներ նավարկեն ՝ առանց Պիլավսկու նեղուցով անցնելու թույլտվություն ձեռք բերելու: Այն նաեւ մոտ 100 կիլոմետրով կրճատում է Բալթիկ ծովից Էլբլագ երթուղին։
Սպասվում է, որ կիրակի օրը բաց կթողնեն փոքր նավակներն ու զբոսանավերը։
Սակայն բեռնատար նավերը չեն կարողանա օգտվել անցուղուց, քանի դեռ մոտեցումը դեպի Էլբլագ նավահանգիստ չի խորացել մինչեւ 5 մետր։ Ակնկալվում է, որ աշխատանքի արժեքը կկազմի 100 միլիոն զլոտի(21 միլիոն դոլար), ինչը տարաձայնությունների թեմա է երկրի կառավարության եւ քաղաքային պաշտոնյաների միջեւ:
.gif)
