«Եդինայա Ռոսիայի» և ՌԴ Կոմունիստական կուսակցության պատգամավորները Պետդումա են ներկայացրել մասնակի մոբիլիզացիայի ժամանակ զորակոչված քաղաքացիների համար 300 հազար ռուբլի միանվագ վճարման օրինագիծ։ Փաստաթուղթը հասանելի է Դումայի էլեկտրոնային տվյալների բազայում , հաղորդում է ՌԻԱ Նովոստին:
«Դաշնային օրենքի նախագծով առաջարկվում է նման քաղաքացիների համար սահմանել միանվագ վճար՝ 300 000 ռուբլու չափով»,- ասվում է օրինագծի բացատրական նյութերում։
Բացի այդ, առաջարկվում է մոբիլիզացվածներին զինվորական ծառայության ժամկետով ազատել հիփոթեքային և սպառողական վարկերի տոկոսներ վճարելուց, բնակարանային և կոմունալ ծառայությունների դիմաց փոխհատուցում տրամադրել 50 տոկոսի չափով, ամսական մինչև երեք տոկոսի չափով նպաստ սահմանել երեխաների համար, ինչպես նաև նպաստ մոբիլիզացված քաղաքացու հղի կնոջը,գույքահարկից ազատում։
Սեպտեմբերի 21-ին Վլադիմիր Պուտինը քաղաքացիներին ուղղված ուղերձում ասաց, որ կոլեկտիվ Արևմուտքի ռազմական մեքենան հակադրվում է ռուս զինվորականներին։ Ստեղծված իրավիճակում պետության ղեկավարն անհրաժեշտ է համարում պաշտպանել ՌԴ-ում մասնակի մոբիլիզացիա անցկացնելու պաշտպանության նախարարության և Գլխավոր շտաբի առաջարկը։ Պուտինն ընդգծել է, որ դրա շրջանակներում կզորակոչվեն միայն պահեստազորի քաղաքացիները, և առաջին հերթին նրանք, ովքեր ծառայել են զինված ուժերում, ունեն փորձ և ռազմական մասնագիտություն։
Պաշտպանության նախարար Սերգեյ Շոյգուն իր հերթին նշել է, որ իրենք նախատեսում են զինված ուժեր կանչել մինչև 300.000 մարդու՝ երկրի ընդհանուր մոբիլիզացիոն ռեսուրսի մեկ տոկոսից մի փոքր ավելին։
.gif)
