Հայաստանի ազգային հավաքականն Իռլանդիայի ընտրանու դեմ Ազգերի լիգայի խմբային փուլի B դիվիզիոնի առաջին խմբի վերջին՝ 6-րդ տուրի արտագնա խաղում ելույթ կունենա տնային, այսինքն՝ կարմիր համազգեստով, հայտնում է ՀՖՖ-ի պաշտոնական կայքը:
Իռլանդիան նույնպես խաղալու է տնային խաղաշապիկով՝ կանաչ ու սպիտակ:
Հիշեցնենք, որ Երևանում կայացած առաջին շրջանի խաղում Հայաստանի հավաքականն Էդուարդ Սպերցյանի գոլի շնորհիվ նվազագույն հաշվով հաղթել էր իռլանդացիներին:
Վերջին տուրից առաջ Խոակին Կապառոսի գլխավորած թիմը 3 միավորով առաջին խմբի 4-րդ տեղում է: Խմբի առաջատար Շոտլանդիան ունի 12 միավոր, Ուկրաինան՝ 10, իսկ Իռլանդիան՝ 4:
Իռլանդիա – Հայաստան հանդիպումը կկայանա Դուբլինի «Ավիվա» մարզադաշտում։ Մեկնարկը՝ Հայաստանի ժամանակով 22:45-ին: Հայաստանի հավաքականը հաղթանակի դեպքում կպահպանի տեղը Ազգերի լիգայի B դիվիզիոնում:
.gif)
