Արդյոք վատ չե՞ն զգում ԲԴխ անդամները. ԲԴԽ անդամ Գրիգոր Բեքմեզյանը՝ դատավոր Բորիս Բախշիյանի արդարացման մասին

Սյունիքի մարզի ընդհանուր իրավասության դատարանի՝ լիազորությունները կասեցված դատավոր Բորիս Բախշիյանն արդարացվեց։ Սյունիքի մարզի ընդհանուր իրավասության դատարանը՝ դատավոր Լուսինե Սեփխանյանի նախագահությամբ, քիչ առաջ հրապարակեց վճիռը՝ արդարացնելով Բախշիյանին՝ ճանաչելով և հռչակելով դատավորի անմեղությունը։

Հիշեցնենք, որ դատավորը մեղադրվում էր իր վարույթում գտնված գործերից մեկով մեղադրյալին ակնհայտ ապօրինի կալանավորելու մեջ, որն անզգուշությամբ առաջացրել է ծանր հետևանք: Խոսքը Քաջարանի համայնքապետ Մանվել Փարամազյանի գործով մեղադրյալ Նվեր Մկրտչյանի մասին է: Վերջինս չի ներկայացել գործով նշանակված դատական նիստին:

Մկրտչյանի պաշտպանը նիստից առաջ դատարան գրություն է ուղարկել այն մասին, որ ինքն անհետաձգելի քննչական գործողության մասնակցելու պատճառով նիստին ներկայանալ չի կարող, իսկ պաշտպանյալն առանց իրեն չի ցանկանում մասնակցել նիստին: ԲԴԽ-ն շատ արագ թույլատրեց և քրեական հետանդում սկսել դատավորի նկատմամբ, և կալանավորել: Եվ սա այն դեպքում, երբ հետագայում անգամ նախաքննական մարմինը՝ ԱԱԾ-ն, չմիջնորդեց նրա կալանքը երկարացնել:Այս իրավիճակում մտահոգիչ էր այն , որ ԲԴԽ-ն դատավորի թիկունքին կանգնելու փոխարեն նրան հանձնեց իրավապահներին, միայն թե ամեն ինչ քաղաքական իշխանությունների սրտով լիներ:

Armlur.am-ը զրուցեց ԲԴԽ անդամ Գրիգոր Բեքմեզյանի հետ՝ հասկանալու համար, թե թե արդյոք վատ չեն զգում իրենց արաց քայլից, դատավորին կողքը չկանգնելու համար, թույլ տվեցին նրա նկատմամբ քրեական հետապնդում սկսեն եւ ահա 7 ամիս անց նա ապացուցեց, որ անմեղ է :Ի պատասխան մեր հարցադրման ԲԴԽ անդամ Գրիգոր Բեքմեզյանը նշեց. « Իրականում միշտ ասել եմ եւ հիմա էլ կասեմ: ԲԴԽ-ն չի վճռել կամ չի որոշել  որ Բախշիյանը մեղավոր է: ԲԴԽ -ն ներկայացված փաստերի եւ ներկայացված ապացույցների վրա գտել է, որ այո, պետք է հնարվորություն տալ նախաքնական մարմնի , որպեսզի իրականացվի գործողություններ: Եվ գտնում եմ, որ ԲԴԽ-ն ճիշտ որոշում է կայացրել: ԲԴԽ-ն չի կանխորոշել դատարանի ակտը եւ այն հանգամանքը, որ դատավորը արդարացվել է միայն կարող է ուրախալի լուր լինել, որովհետեւ որեւէ մեկը չի ցանկանա եւ չենք էլ ցանկացել, որ դատավորն անպայման պետք է դատապարվի:

Այնպես, որ սա շատ նորմալ գործընթաց է: Այնպես չէ, որ միշտ, երբ խորհուրդը համաձայնություն է տալիս քրեական հետապնդման, խորհուրդը ցանկանում է, որ դատավորը պետք է անպայման դատապարվի քրեական պատասխանատվոթյան, ոչ մի դեպքում: Գործընթացի ամբողջ իմաստն այն է, որ խորհուրդը հնարավորություն է տալիս գործընթաց սկսել եւ անկախ դատարանը որոշում է՝ կան հիմքեր դատապարտելու, թե ոչ: Տվյալ դեպքում դատարանը գտել է՝ չկա, մենք պետք է ընդունենք դատարանի որոշումը որպես փաստ եւ շարժվենք առաջ»:

Քնար Մանուկյան