Սեպտեմբերի 23-ին Երեւանի ավագանու նիստում ուշագրավ բացահայտումներ տեղի ունեցան: Մասնավորապես, այդ օրը պարզ դարձավ, որ Երեւանի ավագանու ՔՊ խմբակցության անդամ Արման Անտոնյանը նույն ավագանու «Լույս» խմբակցության անդաներ Անի Խաչատրյանի եւ Թեհմինա Վարդանյանի դեմ բողոք է ներկայացրել՝ ոչ ավել, ոչ պակաս իր դեմ մահափորձ կազմակերպելու համար:
ArmLur.am-ի հետ զրույցում Անի Խաչատրյանը նկատում է՝ նման հայտարարությունների պատճառը պարզապես ավագանու նախավերջին նիստն է եղել, որտեղ ընդամենը վիճաբանություն է եղել իր եւ Արման Անտոնյանի միջև:
Իսկ ինչ պատմության մասին է խոսքը. 2021 թվականի օգոստոսի 1-ին՝ ժամը 01:00-ի սահմաններում, անհայտ անձինք մահակներով և դանակներով ներխուժել էին Արման Անտոնյանի տուն։ Նրան դաժան ծեծի էին ենթարկել և դանակի 11 հարված հասցրել։ Հանցագործները փախչելիս հարվածներ էին հասցրել նաև Անտոնյանի 87-ամյա հորը։ Եվ փաստորեն նա տվել է նաեւ ավագանու անդամների անունները:
Խաչատրյանը նաեւ իրավապահ մարմիններին, քաղաքապետարանի անվտանգության ուշադրությունը հրավիրել էր, հորդորել դիտե լ Երեւանի ավագանու սեպտեմբերի 13-ի նիստի տեսագրությունը, քանի որ հստակ երեւում է՝ ավագանու նույն անդամը գալիս է նիստերին զենքով:
Մանրամասները՝ տեսանյութում:
Նաիրա Հովհաննիսյան, Հովսեփ Հովսեփյան
.gif)
