Չափազանց ցնցված ենք ադրբեջանական ուժերի կողմից հայ գերիներին գնդակահարելու տեսագրություններից. Հունաստանի ԱԳՆ

Հունաստանի ԱԳ նախարարությունը խստորեն դատապարտել է Ադրբեջանի ԶՈՒ-ի կողմից հայ ռազմագերիների գնդակահարությունը։

«Չափազանց ցնցված ենք ադրբեջանական ուժերի կողմից անզեն հայ գերիների մահապատժի ենթարկելու տեսագրություններից։

Հունաստանը խստորեն դատապարտում է բռնության նման գործողություններն ու կոչ է անում մանրակրկիտ հետաքննություն անցկացնել՝ երաշխավորելով, որ մեղավորները պատասխանատվության կենթարկվեն»,- ասված է Հունաստանի արտաքին քաղաքական գերատեսչության թվիթերյան գրառման մեջ։