Պրահայի հանդիպման արդյունքներն անակնկալ են եղել. «Հրապարակ»

«Հրապարակ» թերթը գրում է. «Պրահայի հանդիպման արդյունքներն անակնկալի են բերել իշխանականներին։ Բանն այն է, որ Պրահա մեկնելուց առաջ Նիկոլ Փաշինյանը նրանց վստահեցրել է, որ Արեւմուտքի եւ հատկապես ԱՄՆ-ի միջնորդությամբ բանակցությունների օրակարգից հանվել է «միջանցք» բառը, եւ դա ԱԽՔ Արմեն Գրիգորյանի ձեռքբերումն է, նա էլ խնդրել է չգործածել այդ բառն առհասարակ։

Սակայն Պրահայից հետո Փաշինյանը հայտարարեց, որ Ալիեւը դեմ է ճանապարհների ապաշրջափակմանը, քանի որ այլ՝ միջանցքային ռեժիմով է ճանապարհ ուզում։ Սա նշանակում է, որ կա՛մ խաղաղության պայմանագիրն ի չիք է դառնում, կա՛մ Ադրբեջանը փորձելու է միջանցքը ստանալ ուժի միջոցով՝ պատերազմով»:

Ամբողջությամբ հոդվածը՝ օրաթերթի այսօրվա համարում