Պորտուգալացի հարձակվող Կրիշտիանու Ռոնալդուն մոտ է ձմռանը «Մանչեսթեր Յունայթեդից» հեռանալուն։ Մանկունիացիները պատրաստ են 37-ամյա ֆուտբոլիստին վաճառել 11 մլն եվրոյի դիմաց։
ArmSport. am-ի փոխանցմամբ՝ այս մասին հայտնում է Daily Star-ը։
Աղբյուրի փոխանցմամբ, խոսքը Ռոնալդուի տրանսֆերն ամերիկյան «Ինտեր Մայամիին» վաճառելու մասին է։ Ավելի վաղ հաղորդվում էր, որ Դևիդ Բեքհեմը թիմը պորտուգալացուն պատրաստ է մեկ մրցաշրջանի համար 34 մլն եվրո աշխատավարձ վճարել։
Հիշեցնենք՝ ԶԼՄ-ներում տեղեկություն էր տարածվել այն մասին, որ Ռոնալդուն մտադիր է հեռանալ ՄՅՈՒ-ից, թեև եվրոպական ակումբները հետաքրքրված չեն նրա ծառայություններով։ Այդ իսկ պատճառով Ռոնալդուն նաև այլ մայրցամաքներից է տարբերակներ դիտարկում։
Ընթացիկ մրցաշրջանում Ռոնալդուն բոլոր մրցաշարերում 9 հանդիպման է մասնակցել և դարձել է 1 գոլի հեղինակ։ Նրա պայմանագիրը մանչեսթերյան ակումբի հետ նախատեսված է մինչև 2023 թվականը։
.gif)
