Դավիթաշենի կամրջի տակ տղաների մարմիններ են հայտնաբերվել. մեկը ՌԴ քաղաքացի է

Armlur.am-ին հայտնի է դարձել, թե ովքեր են Դավիթաշենի կամրջի տակ մահացած անձինք։ Մասնավորապես, մահացած տղամարդկանցից մեկը ՌԴ քաղաքացի Տիգրան Վերեշչակն է , որը 21 տարեկան էր, իսկ մյուս մահացած անձը ՀՀ քաղաքացի Արսեն Այվազյանն է՝ 16 տարեկան:

Shamshyan.com-ը գրել էր,որ երեկ առեղծվածային դեպք է տեղի ունեցել Երևանում։ Ժամը 22։30-ի սահմաններում ոստիկանության Մաշտոցի բաժին ահազանգ է ստացվել, որ Դավիթաշենի կամրջի տակ դիեր կան։

Տեղի ունեցածը ինքնասպանություն է, սպանություն, թե դժբախտ պատահար, պարզվում է։ Իսկ քննչական բաժնում քրեական վարույթը նախաձեռնվել է սպանություններ հատկանիշներով։

Ք.Մ.