Պեսկովն արձագանքել է Փաշինյանի առաջարկին

Կրեմլն այսօր մեկնաբանել է Լեռնային Ղարաբաղում տեղակայված խաղաղապահների մանդատը երկարաձգելու վերաբերյալ ՀՀ վարչապետ Նիկոլ Փաշինյանի կոմից  հնչած առաջարկին։

Պատասխանելով ռուսական РИА “Новости” գործակալության հարցին, թե քննարկվելո՞ւ է արդյոք այդ հարցը երկուշաբթի  Սոչիում կայանալիք եռակողմ հանդիպման ժամանակ, Ռուսաստանի նախագահ Վլադիմիր Պուտինի  մամուլի խոսնակ Դմիտրի Պեսկովը նշել է. – «Հարկավոր է սպասել բուն հանդիպմանը»։

Հիշեցնենք, որ Լեռնային Ղարաբաղում տեղակայված ռուսաստանցի խաղաղապահներին 10-ից 20 տարվա մանդատով օժտելու վերաբերյալ պայմանագիր ստորագրելու պատրաստակամության  մասին այսօր ավելի վաղ հայտարարել էր Հայաստանի վարչապետ Նիկոլ Փաշինյանը՝ ելույթ ունենալով ՔՊ համագումարին։