Ղարաբաղի հարցում Երեւանի համար ընդունելի են Հայաստանի եւ Ադրբեջանի միջեւ հարաբերությունների հաստատման ռուսական նախագծի առաջարկած մոտեցումները: Սահմանազատման աշխատանքներից առաջ նախ անհրաժեշտ է ամրացնել անվտանգությունը Ադրբեջանի և Հայաստանի սահմանին:
Այս մասին Պուտինի հետ հանդիպման ժամանակ ասաց ՀՀ վարչապետ Նիկոլ Փաշինյանը: Նա նաև ընդգծեց, որ Հայաստանի տարածքով անցնող հաղորդակցությունները պետք է լինեն պաշտոնական Երևանի ենթակայության տակ:
«Հայաստանն ակնկալում է Ռուսաստանի հստակ դիրքորոշումը Հայաստանի սուվերեն տարածքից ադրբեջանական զինված ուժերի դուրս բերման հարցում»,-հավելեց վարչապետը։
ՌԴ նախագահ Վլադիմիր Պուտինն էլ իր խոսքում նշեց. «Անհրաժեշտ է համաձայնության գալ բոլոր հարցերի շուրջ։ Մենք միշտ ելնում ենք նրանից, որ Հայաստանը մեր ռազմավարական գործընկերն ու դաշնակիցն է։ Հուսով եմ՝ մենք կարող ենք առաջընթաց քայլեր ձեռնարկել կարգավորման ուղղությամբ»:
Մանրամասները՝ տեսանյութում:
.gif)
