ՏԵՍԱՆՅՈՒԹ. Որ տարածքում են բնակարանների գները թանկացել. նոր տվյալներ

Հայաստանում այս տարվա երրորդ եռամսյակի տվյալներով գրանցվել է անշարժ գույքի 53 278 գործարք։

Ընդհանուր առմամբ  իրականացված գործարքներն այս տարվա երրորդ եռամսյակի կտրվածքով նախորդ տարվա նույն ժամանակահատվածի համեմատ ավել են 2,7 տոկոսով:  Հիմնականում գործարքները վերաբերել են օտարմանը՝ առքուվաճառքի թվերը նվազել են 15 տոկոսով:

ArmLur.am-ը տեղեկացավ, որ ամենաշատ գործարքները կատարվել Երեւանի Կենտրոն վարչական շրջանում, իսկ ամենաքիչը՝ Նուբարաշենում: Իսկ Հանրապետության մասշտաբով ամենաքիչ  գործարքները եղել են Վայոց ձորի մարզում։

Սակայն անշարժ գույքի քառակուսի մետրի գները շարունակում են աճել: Այն այժմ ունի հետեւյալ տեսքը.

Կենտրոն-աճել է 17,1 տոկոսով, կազմել 746 000 դրամ

Արաբկիր-աճել է 14,7 տոկոսով, կազմել 530 500 դրամ

Քանաքեռ-Զեյթուն-աճել է 17,6 տոկոսով, կազմել 387 400 դրամ

Նոր-Նորք-աճել է 8,5 տոկոսով, կազմել 331 000 դրամ

Էրեբունի-աճել է 17,3 տոկոսով, կազմել 343 800 դրամ

Շենգավիթ-աճել է 10,1 տոկոսով, կազմել 341 400 դրամ

Դավթաշեն-աճել է 19,6 տոկոսով, կազմել 391 000 դրամ

Աջափնյակ-աճել է 14,2 տոկոսով, կազմել է 362 600 դրամ

Մալաթիա-Սեբաստիա-աճել է 15 տոկոսով, կազմել է 339 000 դրամ

Ավան-աճել է 13,4 տոկոսով, կազմել է 337 700 դրամ

Նուբարաշեն-աճել է 13,4 տոկոսով, կազմել է 205 400 դրամ

Բացի վաճառքից եւ գնումից, վարձակալության գործարքների թիվը եւս ավելացել է եւ կրկին ամենաշատ գործարքները կատարվել են Երևանում, հիմնականում  Կենտրոնում, Ավանում ու Շենգավիթում։

Մանրամասները՝ տեսանյութում

Ն.Հ.