Իրակլի Ղարիբաշվիլին և ՀՀ դեսպանն ընդգծել են Հարավային Կովկասում տևական խաղաղության հաստատման անհրաժեշտությունը

Վրաստանում ՀՀ դեսպան Աշոտ Սմբատյանին այսօր ընդունել է Վրաստանի վարչապետ Իրակլի Ղարիբաշվիլին։

Դեսպանության հաղորդագրության համաձայն՝ վերջինս շնորհավորել է ՀՀ դեսպանին պաշտոնի ստանձնման կապակցությամբ և արդյունավետ աշխատանք մաղթել Վրաստանում։
Կողմերը մտքեր են փոխանակել Հայաստանի և Վրաստանի միջև ավանդական բարեկամական հարաբերությունների և բազմաոլորտ համագործակցության վերաբերյալ։

Անդրադարձ է կատարվել տարածաշրջանային անվտանգությանը վերաբերող հարցերի, ընդգծվել Հարավային Կովկասում տևական խաղաղության և կայունության հաստատման անհրաժեշտությունը։