Բժիշկները Սաակաշվիլիի մոտ սնդիկի թունավորում են հայտնաբերել

Վրաստանի նախկին նախագահ Միխեիլ Սաակաշվիլիի մայրը հայտարարել է, որ իր որդու մարմնում ծանր մետաղների բարձր քանակ է հայտնաբերվել։ Այս մասին Ալասանիա Սաակաշվիլին ասել է Mtavari Arxi հեռուստաալիքին տված հարցազրույցում, որը հրապարակվել է նոյեմբերի 19-ին։

«Սնդիկ կար, այնտեղ (բժիշկների եզրակացության մեջ.-Խմբ.) նույնպես նշված է, որը կարող է սնդիկի որոշակի մակարդակ է առաջացել։ Կա նաև բարիում, թալիում»,- ասել է մայրը։

Քաղաքական գործչի մոր կարծիքով՝ նման թունավորումը Սաակաշվիլիին բանտից ազատելու հիմք է տալիս։ Թե երբ և ինչպես են նյութերը հայտնվել նախկին նախագահի օրգանիզմում, հայտնի չէ։ Բժշկական փորձաքննությունը նույնպես հաստատել է թունավորումը և տվել համապատասխան եզրակացություն, հավելել է Ալասանիա Սաակաշվիլին։

Նոյեմբերի 15-ին հաղորդվել էր, որ Վրաստանի նախկին ղեկավարի մոտ ձախ թևի մկանները ատրոֆիայի են ենթարկվել։ Այս մասին հայտնել է նրա փաստաբան Շալվա Խաչապուրիձեն։ Նա հավելել է, որ մոտ ապագայում Փորձաքննությունների պետական ​​բյուրոն Սաակաշվիլիի առողջական վիճակի վերաբերյալ բժշկական եզրակացություն կպատրաստի։

Մինչ այդ՝ նոյեմբերի 8-ին, Խաչապուրիձեն հայտնել էր Սահակաշվիլիի տուբերկուլյոզի և դեմենցիայի մասին։ Նա ընդգծել էր, որ դրանք կասկածներ են, և այս ուղղությամբ աշխատանքներ են տարվում։