ՏԵՍԱՆՅՈՒԹ. Թեև երկրում «տնտեսական բում է», մայրաքաղաքում դեռ փողոցները կարկատում են

Երեւանի քաղաքապետարանն իր որդեգրած սկզբունքներին համաձայն շարունակում է անհարմարություններ պատճառել Երեւանի քաղաքացիներին: Այսօր  ArmLur.am-ի տեսախցիկը ֆիքսել է, թե ինչպես է երկուշաբթի աշխատանքային օրով քաղաքապետարանը նախաձեռնել Հաղթանակ կամուրջի վրա ասֆալտի քերման աշխատանքներ՝ արդյունքում խոչընդոտելով երթեւեկությանը եւ հսկայական խցանումներ առաջացնելով:

Նշված անհարմարությունների պարզաբանման համար ArmLur.am-ը դիմեց Երեւանի քաղաքապետրան պարզելու համար, թե ինչու են այսքան անհեռատես գտնվել եւ երկուշաբթի օրով նման աշխատանք  ձեռնարկել:

«Որպես այդպիսին ճանապարհահատված փակ չի եղել, պարզապես ասֆալտի քերման աշխատանքներ են իրականացրել, որի արդյունքում ճանապարհի որոշակի հատվածներ ծանրաբեռնված են եղել,  իսկ այս պահին ողջ ճանապարհահատվածը բաց է երթեւեկության համար»:

Մեր այն հարցադրմանը, թե ինչու են  աշխատանքային օրերին կատարում բարեկարգման աշխատանքեր, նշեցին. «Քաղաքի փողոցները պետք է որոշակի պարբերականությամբ նորոգվի, այո, երբեմն անհնար է խուսափել աշխատանքային ժամերին այդ գործընթացը կազմալերպելուց, որովհետեւ ծավալը մեքենաների մեծանում է»,-նշեցին Երեւան քաղաքապետարանի մամուլի ծառայությունից։

Սակայն, նկատենք, որ 2018 թվականից ի վեր այս իշխանությունները գլխավոր հաղթաթուղթ են ներկայացնում ողջ Հանրապետությունը ասֆալտապատելու իրենց կարողությունը:

Մանրամասները՝ ArmLur.am-ի տեսանյութում:

Լիդա Եղիազարյան