Բելառուսը 2023 թվականին ՀԱՊԿ նախագահության ժամանակ առաջարկելու բան ունի, հայտարարել է հանրապետության արտաքին գործերի նախարար Վլադիմիր Մակեյը՝ Երևանում կազմակերպության գագաթնաժողովի նախօրեին։
«Մենք առաջարկելու բան ունենք: Եվ, հավատացեք ինձ, դրանք բացարձակապես ապագային միտված առաջնահերթություններ են, որոնք ուղղված են ինչպես կազմակերպության ամրապնդմանը, այնպես էլ այս կազմակերպության փոխգործակցությանը տարբեր միջազգային ինտեգրացիոն կառույցների հետ: Եվ ես համոզված եմ, որ եթե մենք իսկապես գիտակցաբար վերաբերվենք դրա գործունեությանը, ապա որոշ ժամանակ անց մենք կստանանք այնպիսի արդյունավետ կառույց, որի վրա կարող ենք հույս դնել»,- ասել է նա STV հեռուստաալիքի եթերում, փոխանցում է Ռիա Նովոստին:
Մակեյն ընդգծել է, որ իրավիճակները, որոնք երբեմն լինում են ՀԱՊԿ տարածքում, պետք է լուծվեն անմիջականորեն ներգրավված կողմերի կողմից և միայն երկխոսության միջոցով։
«Եթե դուք հետևում եք մեր արտաքին քաղաքականության ողջ պատմությանը, արտաքին քաղաքական գործունեությանը, մենք միշտ ասել ենք, որ դիվանագիտությունը պետք է դրվի առաջնագծում։ Ցանկացած պատերազմ վաղ թե ուշ ավարտվում է բանակցությունների սեղանի շուրջ. այս սկզբունքով»,- նշել է նախարարը։
.gif)
