2019 թվականին, երբ Ռուսաստանի նախագահ Վլադիմիր Պուտինը կրկին Երևան էր ժամանել՝ մասնակցելու ԵԱՏՄ ընդլայնված նիստին, այդ ժամանակ նրան «Զվարթնոց» օդանավակայանում ոչ թե Հայաստանի վարչապետ Նիկոլ Փաշինյանը, այլ փոխվարչապետ Մհեր Գրիգորյանն էր դիմավորել:
Միջադեպը թե՛ քաղաքական վերլուծաբանների, թե՛ քաղաքական գործիչների սուր քննադատությանն էր արժանացել, բոլորը մեղադրել էին Փաշինյանին, թե նման գործելաոճով՝ նա ստվեր է գցում հայ-ռուսական դաշնակցային հարաբերությունների վրա:
Ու թեև Փաշինյանը նույն օրը երեկոյան ՌԴ նախագահին անձամբ էր ճանապարահել «Զվարթնոց» օդանավակայանից, բայցև հայտարարել էր, թե հայ-ռուսական հարաբերություներն այժմ նոր օրակարգով են ընթանում:
Այսօր արդեն, երբ ՀԱՊԿ գագաթնաժողովի շրջանակներում Պուտինը կրկին Հայաստանում է, նրան Փաշինյանն անձամբ է դիմավորել, ավելին՝ Պուտինի հետ նույն ավտոմեքենայով «Դվին» հյուրանոց՝ գագաթնաժողովի անցկացման վայր մեկնել: Փաշինյանի համար, փաստորեն, այժմ իրավիճակ է փոխվել:
Սևակ Վարդումյան
.gif)
