Հռիփսիմե Ստամբուլյանը վայր է դրել պատգամավորական մանդատը

ՀԵՏԵՎԵՔ ՄԵԶ Telegram-ՈՒՄ

Հռիփսիմե Ստամբուլյանն այսօր ՀՀ ԱԺ պատգամավորական մանդատից հրաժարվելու դիմում է ներկայացրել:

«Շուրջ մեկ ու կես տարվա խորհրդարանական աշխատանքով փորձել եմ մասնագիտական ունակություններս ու աշխատանքային կարողություններս ծառայեցնել ի շահ հայրենիքի և միայն հայրենիքի:

Անշուշտ, եղել են նաև թերացումներ և ձախողումներ, որոնք ստեղծված իրողությունների պայմաններում միշտ չէ, որ բխել են մեր աշխատանքից:

Շնորհակալություն եմ հայտնում հանրապետության երկրորդ նախագահ Ռոբերտ Քոչարյանին և «Հայաստան» դաշինքի իմ գործընկերներին` մաղթելով հաջողություններ խորհրդարանական աշխատանքի հետագա ընթացքում:

Ներողություն եմ խնդրում վստահության քվե տված բոլոր այն քաղաքացիներից, ում հույսերն օբյեկտիվ կամ սուբյեկտիվ պատճառներով չարդարացվեցին:

Ստեղծված իրավիճակն անհամատեղելի է մասնագիտական գործունեության վերաբերյալ իմ մոտեցումների և գոյություն ունեցող խնդիրների լուծման նկատմամբ ունեցածս պատասխանատվության հետ:

Հետագա գործունեությանս մեջ շարունակելու եմ հավատարիմ մնալ իմ սկզբունքներին և գաղափարներին՝ անկախ կարգավիճակից` իմ հետագա աշխատանքի մեջ գերակա պահելով հայրենիքի շահը»:

Հիշեցնենք, որ ավելի վաղ ArmLur.am-ը գրել էր, որ առաջիկայում մի շարք պատգամավորներ կհրաժարվեն մանդատից: Նրանց թվում էր նաև Հռիփսիմե Ստամբուլյանը: Մեր տեղեկություններով մանդատը վայր կդնի նաև Ելենա Կիրակոսյանը՝ «Վերածնվող Հայաստան» կուսակցությունից:




Լրահոս