ArmLur.am-ի տեղեկությունների համաձայն` աղմուկ – աղաղակ վիճաբանություն է տեղի ունեցել ՀՀ քննչական կոմիտեում 44-օրյա պատերազմում զոհված զինծառայողների ծնողների եւ ոստիկանների առերեսման ժամանակ: 44-օրյա պատերազմում զոհված զինծառայող Ժորա Մարտիրոսյանի մայրիկը ՝ Գայանե Հակոբյանը, մանրամասներ հայտնեց, թե կոնկրետ ինչ հարցեր են տվել ոստիկաններին եւ իրենք ինչ են պատասխանել:
Հիշեցնենք՝ ArmLur.am-ը գրել էր, որ ՀՀ ոստիկանությունը դիմել է ՀՀ վարչական դատարան՝ ընդդեմ 44-օրյա պատերազմում զոհված զինծառայողների ծնողների, եւ պահանջում է, որ դատարանը զոհված զինծառայողների ծնողներին վարչական պատասխանատվության ենթարկի, քանի որ ծնողները սեպտեմբերի 21-ին թույլ չէին տալիս ՀՀ վարչապետին եւ կառավարության անդամներին գնալ եւ ծաղիկ խոնարհել իրենց որդիների շիրիմներին: Արդյունքում ոստիկանները բռնության ենթարկեցին ծնողներին, ինչի առթիվ հարուցվել է քրեական վարույթ. 18 ծնող տուժող է ճանաչվել, սակայն մինչ օրս որեւէ մեղադրյալ չկա»:
Քննչական կոմիտեից հայտնեցին, որ տեղեկությունը, որ առերեսման ժամանակ վիճաբանություն է եղել, գոռգոռոցներ, իրականությանը չի համապատասխանում։
Քնար Մանուկյան
.gif)
