ՔՊ-ն այսօր հավաքվում է Ջերմուկում. թիմակիցներն անհամբեր սպասում են Փաշինյանի խոսքին

Չնայած Լաչինի միջանցքում տիրող իրավիճակով պայմանավորված բազմաթիվ հանդիպումներ, համաժողովներ չեղարկվել են, սակայն այսօր Ջերմուկում հավաքվելու ծրագիրը իշխող «Քաղաքացիական պայմանագիր» կուսակցությունը չի փոխել։

ArmLur.am-ը տեղեկացավ, որ այսօր այնտեղ նորընտիր վարչության նիստ տեղի կունենա վարչության նախագահ, վարչապետ Նիկոլ Փաշինյանի գլխավորությամբ։

Բոլորն անհամբեր սպասում են, թե ինչ է ասելու Փաշինյանը, քանի որ փակ հանդիպումների ժամանակ նա սկսել է մտահոգիչ հանգամանքների մասին խոսել։ Այդպես էր նաեւ նախօրեին, երբ խմբակցությունն էր նրա հետ փակ նիստ անցկացնում։