Արցախը Հայաստանին կապող միակ ճանապարհը Ադրբեջանի կողմից արգելափակելու պատճառով ԱՀ առողջապահության նախարարության ենթակայության տակ գործող բուժհաստատություններում շարունակում են դադարեցված մնալ պլանային վիրահատությունները։
Կարմիր Խաչի միջազգային կոմիտեի միջնորդությամբ և ուղեկցությամբ երկու հիվանդներն այսօր տեղափոխվել են ՀՀ տարբեր մասնագիտացված բժշկական կենտրոններ։
Որպես էկոակտիվիստներ ներկայացող ադրբեջանցիների կողմից դեկտեմբերի 12-ին Լաչինի միջանցքը փակելուց հետո մինչ օրս Կարմիր Խաչի միջնորդությամբ և ուղեկցությամբ Արցախից Հայաստան էին տեղափոխվել 8 ծանր հիվանդներ, որոնցից մեկը՝ 4 ամսական երեխա:
Երեկ Օպերատիվ շտաբի հերթական նիստն է անցկացվել եւ զեկուցվել է պարենային ապրանքների, դեղորայքի, բենզինի և դիզելային վառելիքի շուկաներում ընթացիկ իրավիճակը, ներկայացվել են խնդիրները: Նշվել է, որ բնակչության առաջնային կարիքների ապահովման համար պետական պահուստային պաշարներից որոշ ապրանքատեսակների մատակարարում կիրականացվի խանութներին:
Մանրամասները՝ տեսանյութում
Ն.Հ.
.gif)
