Հայտնի են արդեն նորակազմ ներքին գործերի նախարարության ամենաբարձր պաշտոնները զբաղեցնողների անունները։
Արդարադատության փոխնախարարներ Դավիթ Համբարյանը և Արփինե Սարգսյանը նշանակվել են նոր կազմավորված ներքին գործերի նախարարի տեղակալներ։ Այս մասին տեղեկանում ենք ՀՀ վարչապետ Նիկոլ Փաշինյանի ընդունած որոշումներից:
Փրկարար ծառայության տնօրեն, ներքին գործերի նախարարի տեղակալ է նշանակվել Կամո Ցուցուլյանը, որը նախկինում զբաղեցնում էր ՀՀ փոխոստիկանապետի պաշտոնը։ Իսկ նախկինում ՀՀ ոստիկանության պետի առաջին տեղակալի պաշտոնը զբաղեցնող Արամ Հովհաննիսյանն էլ նշանակվել է ոստիկանության պետ, ներքին գործերի նախարարի տեղակալ։
Նաև միգրացիոն ծառայության նախկին պետ Արմեն Ղազարյանը նշանակվել է միգրացիայի և քաղաքացիության ծառայության պետ։
Հիշեցնենք, որ հունվարի -ին «Ժողովուրդ» օրաթերթը գրել է, որ Վահե Ղազարյանը կնշանակվի ՆԳ նախարար, Արամ Հովհաննիսյանը ոստիկանապետ, իսկ ՀՀ արդարադատության նախարարի տեղակալ Արփինե Սարգսյանը կզբաղեցնի ՆԳՆ նախարարի տեղակալ:
.gif)
