Ֆինլանդիան բավարարել է Թուրքիայի արտահանձնման դիմումը

Անցյալ աշնանը Ֆինլանդիան բավարարել է Թուրքիայից արտահանձնման մեկ դիմում։ Այս մասին հունվարի 22-ին հայտնել է Yle հեռուստառադիոընկերությունը՝ վկայակոչելով STT լրատվական գործակալությանը։

Տղամարդուն արտահանձնել են հոկտեմբերին։ Թուրքիայում նա դատապարտվել է կողոպուտի համար։

Ընդհանուր առմամբ, Ֆինլանդիայի նախարարության տվյալներով, 2019 թվականից Թուրքիայի երեք քաղաքացի է արտահանձնվել։

Մի հարցում ներկայումս քննարկվում է, մյուսը մերժվել է 2022 թվականի վերջին։

2022 թվականի մայիսի 18-ին Ֆինլանդիան Շվեդիայի հետ միասին ՆԱՏՕ-ին անդամակցելու հայտ է ներկայացրել։ Հունիսի վերջին դաշինքի անդամները պաշտոնապես հրավիրեցին երկրներին միանալ Հյուսիսատլանտյան դաշինքին և համաձայնեցին ստորագրել անդամակցության արձանագրությունները։

Ֆինլանդիան և Շվեդիան ՆԱՏՕ-ի կազմում ընդգրկվելու համար նրանց թեկնածությունը պետք է հաստատեն դաշինքի անդամ բոլոր երկրները։ Այս պահին 30 երկրներից 28-ը հավանություն են տվել հայտերին, բացառությամբ Հունգարիայի և Թուրքիայի։ Միաժամանակ Բուդապեշտը հայտարարել է իր պատրաստակամության մասին՝ ավարտին հասցնելու երկու նոր երկրների՝ ՆԱՏՕ-ին միանալու գործընթացը։

2022 թվականի հունիսին Թուրքիան 10 պայման է ներկայացրել Շվեդիայի և Ֆինլանդիայի ՆԱՏՕ-ին անդամակցելու վրա վետոն հանելու համար։ Կետերից մեկը Թուրքիային աջակցելու առաջարկն էր Անկարայի կողմից ճանաչված ահաբեկչական կազմակերպությունների, այդ թվում՝ Քրդստանի աշխատավորական կուսակցության դեմ պայքարում։