Նոր մանրամասներ՝ կացարանի հրդեհի հետևանքով այրվածքներ ստացած զինծառայողների առողջական վիճակի մասին

Գեղարքունիքի մարզի Ազատ գյուղի զորամասի ինժեներասակրավորային վաշտի կացարանում բռնկված հրդեհի հետևանքով այրվածքներ ստացած երկու զինծառայողների առողջական վիճակում դրական դինամիկա կա։ Այս մասին ArmLur.am-ին հայտնեց Առողջապահության նախարարության մամուլիք խոսնակ Հռիփսիմե Խաչատրյանը.

«Եթե այսպես շարունակվի, ապա կարող է դիտարկվել նաև տղաներից մեկին պալատ տեղափոխելը»,-ասում է խոսնակը:

Հիշեցնենք՝ հունվարի 19-ին՝ ժամը 01:30-ի սահմաններում, դեռևս չպարզված հանգամանքներում հրդեհ է բռնկվել Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում, ինչի հետևանքով զոհվել է 15, վիրավորվել 3 զինծառայող։ Նրանցից երկուսի վիճակը ծանր է, գտնվում են վերակենդանացման բաժանմունքում:

Քրիստինա Մուշեղյան