Օրը խոստանում է հաճելի տպավրություններ պարգեւել ձեզ

**Խոյ**. Այսօր դուք պարզապես հիանալի տրամադրություն կունենաք եւ տրամադրված կլինեք պլաններ կազմել ապագայի վերաբերյալ: Փոքր գործերն այսօր ձեր ժամանակի մի զգալի մասը կխլեն, իհարկե, սակայն սա բարենպաստ ժամանակ է ընթացիկ հարցերը հունի մեջ դնելու համար: Փորձեք այսօր ամեն ինչում տեսնել միայն լավը եւ օրն ավարտվել դրական տրամադրվածությամբ:

**Ցուլ**. Օրը խոստանում է հաճելի տպավրություններ պարգեւել ձեզ: Շատ հավանական է, որ հաճելի տպավորությունները լինեն անակնկալ` մատուցված ձեր սիրելիի կողմից: Իսկ եթե միայնակ եք դեռ եւ սիրտը ազատ է, ապա հնարավոր է ընկերների գործուն միջնորդությամբ բազմախոստում ռոմանտիկ ծանոթության հնարավորություն ունենաք:

**Երկվորյակ**. Ձեր շուրջն այսօր շատ հետաքրքրական եւ խորհրդավոր իրադարձություններ են տեղի ունենում: Դեռեւս մնացեք դիտողի դերում եւ մի մասնակցեք, որքան էլ որ մասնակցության ցանկություն ունենաք: Հակառակ դեպքում հնարավոր է լուրջ սխալներ թույլ տաք, որոնք թեեւ լուրջ վնաս չեն հասցնի ձեզ, սակայն բավականին խնդիրներ կհարուցեն:

**Խեցգետին**. Փորձեք օբյեկտիվորեն գնահատել սեփական հնարավորությունները: Գուցե ձեզ թվա, թե այսօր կկարողանաք ցանկացած բարդության խնդիր  կարգավորել, եւ վերցնեք ձեր վրա հավելյալ պարտականություններ, սակայն իրականությունն այն է, որ ձեր հնարավորություններն այս ընթացքում բավական սահմանափակ են, իսկ հավելյալ պարտականությունները կարող է բերել ուժասպառության: Երեկոն օգտագործեք կազդուրիչ մարզանքների համար մարզասրահ այցելելով:

**Առյուծ**. Տհաճ միջադեպը, որն այսօր հնարավոր է տեղի ունենա ձեզ հետ, կապված է սիրելիի հետ ձեր հարաբերությունների հետ: Կամ դուք բավարար չափով ուշադիր չեք սիրելիի նկատմամբ կամ նա է մի փոքր սկսել սառել ձեր հանդեպ: Լուրջ բարդություններից խուսափելու համար փոխզիջումային լուծում գտեք:

**Կույս**. Այսօր շատ հարցերում կլինեք առաջամարտիկ: Կկարողանաք վաղուց մտքում պահած երազանքը իրականացնել այսօր: Ներշնչանքի աղբյուրն այսօր ձեր մտերիմներից մեկն է, ում դուք չափազանց գնահատում եք: Խուսափեք ալկոհոլային խմիչքներ օգտագործելուց, հատկապես երբ ձեզ ընկերակցելու են քիչ ծանոթ մարդիկ:

**Կշեռք**. Այսօր դուք ավելի զիջող եղեք դիմացինի հանդեպ: Բացի այդ առաջնահերթություն տվեք անհրաժեշտությանը, քան` ցանկությանը: Եթե չալարեք, վատ արդյունքներ չեք ունենա: Հարմար օր է բանակցությունների եւ գործնական խոսակցությունների համար: Թեեւ օրվա վերջում կզգաք հոգնածություն, սակայն թուլանալ պետք չէ:

**Կարիճ**.  Ի հեճուկս բանականության, այսօր նախ պետք է գործել եւ ապա միայն մտածել: Առաջին պոռթկումը այսօր ամենից հավաստին ու ճիշտն է: Հետո դա կհասկանաք, երբ վերլուծեք օրն ու կատարեք անհրաժեշտ եզարահանգումներ: Շրջապատի մարդկանց կարծիքներին քիչ ականջալուր եղեք:

**Աղեղնավոր**. Օրը հարմար է հատկապես սիրային հարցերի համար: Եթե դեռ միայնակ եք, ապա այսօր կարող եք զբաղվել երկրորդ կեսին փնտրելու գործերով: Կարեւոր է այն, որ դա անեք իրական կյանքում: Ամենեւին կարիք չկա նստել համակարգչի առաջ: Դուրս եկեք զբոսանքի, գնացեք թատրոն, կինո:

**Այծեղջյուր**. Այսօր կարող եք ակնթարթների ճշգրտությամբ լրացնել օրվա գրաֆիկը` ներառելով նաեւ հանդիպումներ պաշտոնատար մարդկանց հետ: Մի զրկեք ձեզ զվարճավայրեր այցելելու հաճույքից: Օրվա վերջում փորձեք մեկուսանալ եւ վերատեսության ենթարկել օրվա ապրածը:

**Ջրհոս**. Այսօր նման կլինեք այն փոքրիկ կայծին, որը կբոցավառի վառարանն ու այդպես շրջապատում բոլորը կջերմանան: Սիրային հարցերում սպասեք հետաքրքիր անակնկալների: Լավատեսությամբ օրինակ կհանդիսանաք շատերի համար ձեր շրջապատում:

**Ձկներ**. Այսօր իրավիճակը ձեզ համար կլինի երկակի: Մինչ աշխատավայրում ամեն բան կստացվի, անձնական կյանքում խնդիրները կհաջորդեն իրար: Փորձեք խուսափել վեճերից եւ բախումներից: Հնարավոր է թեթեւ խնդիրներ ունենաք առողջության հետ կապված: