Արեւմտյան Վրաստանում լուսադեմին միանգամից երեք երկրաշարժ է գրանցվել, հայտնում է «Sputnik-Грузия»-ն՝ հղում տալով Սեյսմիկ մոնիտորինգի ազգային կենտրոնին։
Առաջին երկրաշարժը գրանցվել է Թբիլիսիի ժամանակով 05:18-ին՝ Օզուրգեթի քաղաքից երկու կիլոմետր հեռավորության վրա։՝ 3,6 մագնիտուդ ուժգնությամբ։
Հետցնցումներ են գրանցվել ժամը 06:27-ին Գոմիս Մթա հանգստավայրից 4 կմ եւ Օզուրգեթիից 14 կմ հեռավորության վրա: Երկրաշարժի ուժգնությունը 3.0 մագնիտուդ է եղել։
Երրորդ երկրաշարժի էպիկենտրոնը եղել է Չոխատաուրիի շրջանի Բուկնարի գյուղում։ Երկրաշարժի ուժգնությունը կազմել է 3,1 մագնիտուդ։ Երկրաշարժի աղբյուրը բոլոր երեք դեպքերում գտնվել է 10 կիլոմետր խորության վրա։
Զոհերի կամ ավերածությունների մասին տեղեկություններ չկան:
.gif)
