Թուրքական «Galatasaray» ֆուտբոլային ակումբը ցանկացել է բանակցել Մոսկվայի «Dinamo»-ի հետ վերջինիս 19-ամյա կիսապաշտպան Արսեն Զախարյանին գնելու նպատակով։ Սակայն Զախարյանը հրաժարվել է թուրքական թիմում հանդես գալու հնարավորությունից։ Նա նշել է, որ անձնական պատճառներով է հրաժարվել։ Այս մասին տեղեկացնում է ermenihaber.am-ը։
Մինչդեռ թուրքական մամուլում հայտնվել են պնդումներ այն մասին, որ Զախարյանը սկզբում ցանկացել է մարզական կարիերան շարունակել Թուրքիայում, բայց իրեն ուղղված սպառնալիքների պատճառով ստիպված է եղել հրաժարվել։ Ավելին, թուրքական լրատվամիջոցները նշում են, որ, չնայած բոլոր այդ սպառնալիքներին ու ճնշումներին, Զախարյանն իբր համառորեն ցանկանում է տեղափոխվել «Galatasaray»։
.gif)
