Մարտական բախում Է ընթանում Բրյանսկի մարզի սահմանամերձ տարածք ներթափանցած ուկրաինացի դիվերսանտների հետ։ «Արմենպրես»-ի տեղեկացմամբ՝ այդ մասին ТАСС-ին հայտնել են ուժային կառույցներում։
«Ուկրաինացի դիվերսանտների խմբերը ներթափանցել են երկու գյուղ՝ դրանցից մեկում պատանդ վերցնելով տեղի բնակիչների։ «Ռոսգվարդիայի» զինվորները մարտի են բռնվել զինյալների հետ», – ասել է գործակալության զրուցակիցը։ Խաղաղ բնակիչների շրջանում կան զոհեր և վիրավորներ:
Հայտնի է դարձել, որ անօդաչու թռչող սարքի հարձակման հետևանքով Սուշանա գյուղում բնակելի շենք է հրդեհվել։
Դիվերսանտների խումբը կրակել է մեքենայի վրա, ինչի հետևանքով մահացել է մեկ մարդ, վիրավորվել 10-ամյա մի աղջիկ։
Լյուբեչանե գյուղում պատանդ են վերցվել մինչև վեց խաղաղ բնակչի։
.gif)
