ՏԵՍԱՆՅՈՒԹ. Դիվերսիոն ներթափանցման հետևանքով նահատակվել է ոստիկանության 3 ծառայող. հայտնի են անունները

ՀԵՏԵՎԵՔ ՄԵԶ Telegram-ՈՒՄ

Ադրբեջանի ԶՈՒ դիվերսիոն խմբի՝ մարտի 5-ի առավոտյան ձեռնարկած հարձակման հետևանքով զոհվել է Արցախի ՆԳՆ ոստիկանության 3 ծառայող, ևս մեկը վիրավորվել է։ Այս մասին տեղեկացրել է ոստիկանության «Ֆեյսբուք»-ի էջը։

«Այսօր առավոտյան՝ ժամը 10։00-ի սահմաններում, ադրբեջանական զինուժի դիվերսիոն խումբը «Խայփալու» կոչվող տեղանքում թիրախավորել և կրակ է բացել ոստիկանության անձնագրային և վիզաների վարչության անձնակազմի հերթափոխի մեքենայի վրա։

Դիվերսիոն ներթափանցման հետևանքով զոհվել է ոստիկանության 3 ծառայող.

Փոխգնդապետ՝ Արմեն Մայորի Բաբայան

Մայոր՝ Դավիթ Վալերիի Դանիելյան

Լեյտենանտ՝ Արարատ Թելմանի Գասպարյան:

Եվս մեկ ծառայող՝ լեյտենանտ Դավիթ Աշոտի Հովսեփյանը, ստացել է կրծքավանդակի հրազենային վիրավորում և գտնվում է հանրապետական բժշկական կենտրոնում:

ՆԳ նախարարությունն այս ծանր պահին կիսում է զոհված ոստիկանների կորստի վիշտը, զորակցություն հայտնում նրանց ընտանիքների անդամներին»,- ասվում է հաղորդագրության մեջ:




Լրահոս