Սուր վիրուսային և խիստ վարակիչ. ԱՆ-ն ներկայացրել է կարմրուկի առանձնահատկությունները

Կարմրուկը սուր վիրուսային, խիստ վարակիչ հիվանդություն է, որը բնորոշվում է արտահայտված ինտոքսիկացիայով, կատառալ և ցանային երևույթներով:

Այս մասին հայտնում է ՀՀ առողջապահության նախարարությունը՝ նշելով, որ վարակի աղբյուրը միայն հիվանդ մարդն է: Վիրուսն արտաքին միջավայր է թափանցում հազալու, փռշտալու, խոսակցության ժամանակ։ Կարմրուկի վարակելիության աստիճանը հասնում է մոտ 100%-ի։

Կարմրուկի դեմ երկու դեղաչափ պատվաստված անձանց մոտ ձևավորվում է 97-98% իմունիտետ և պահպանվում է ամբողջ կյանքի ընթացքում:

Հիշեցնենք՝ կարմրուկի լաբորատոր հաստատված դեպքերի թիվը հասել է 29-ի, հոսպիտալացված է 15 քաղաքացի, 7-ը դուրս է գրվել: