Վթար՝ Թբիլիսյան խճուղում. կան վիրավորներ

Մարտի 31-ին, ժամը 11:01-ին Ճգնաժամային կառավարման ազգային կենտրոն ահազանգ է ստացվել, որ Երևանի Թբիլիսյան խճուղու թիվ 26/6 հասցեի մոտակայքում տեղի է ունեցել ՃՏՊ՝ բախվել է երկու ավտոմեքենա, կան տուժածներ. անհրաժեշտ է փրկարարների օգնությունը։

Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ բախվել են «Honda Elyson» և «Opel Astra G» մակնիշների ավտոմեքենաները, այնուհետև վերջինս բախվել է կայանած «BMW» մակնիշի ավտոմեքենային:

Տուժածներ Ա. Մ.-ն (ծնված 2005 թ․) և Մ. Հ.-ն (ծնված 1962 թ․) հոսպիտալացվել են «Սուրբ Գրիգոր Լուսավորիչ» ԲԿ, Ս. Մ.-ն (ծնված 2008 թ․)՝ «Սուրբ Աստվածամայր» ԲԿ, իսկ Ա. Մ.-ն (ծնված 1982 թ․)՝ «Իզմիրլյան» ԲԿ:

Փրկարարները հոսանքազրկել են «Honda Elyson» և «Opel Astra G» մակնիշների ավտոմեքենաները և փակել գազի բալոնների փականները։