Այս շաբաթ խորհրդարանում Մարդու իրավունքների պաշտպան կընտրեն

ArmLur.am-ը տեղեկացավ, որ խորհրդարանն այս շաբաթ կքննարկի Մարդու իրավունքների պաշտպանի ընտրության հարցը:

ՄԻՊ պաշտոնում Ազգային ժողովի մարդու իրավունքների պաշտպանության եւ հանրային հարցերի մշտական հանձնաժողովն առաջարկել է Անահիտ Արտյոմի Մանասյանի թեկնածությունը:

Ըստ ԱԺ կանոնակարգ օրենքի՝ Մարդու իրավունքների պաշտպանն ընտրվում է գաղտնի քվեարկությամբ, պատգամավորների ընդհանուր թվի ձայների առնվազն երեք հինգերորդով:

Նույն օրենքի համաձայն՝ եթե ՄԻՊ չի ընտրվում, ապա քվեարկությունից հետո՝ տասնօրյա ժամկետում, թափուր մնացած պաշտոնում կարող են առաջադրվել նոր թեկնածուներ:

Այսօր ԱԺ խորհուրդը կհաստատի վաղը մեկնարկելիք նիստերի օրակարգը:

Քրիստինա Մուշեղյան