Ոստիկանները հայտնաբերել են կենդանու նկատմամբ դաժան վերաբերմունք ցուցաբերած անձին:
ՀՀ ոստիկանության հաղորդագրության մեջ նշվում է, որ ապրիլի 28-ին սոցիալական ցանցում տեղանյութ էր տարածվել, թե ինչպես մի երիտասարդ դաժան վերաբերմունք է ցուցաբերում շան նկատմամբ։
Ոստիկանության Մալաթիայի բաժնի ծառայողների միջոցառումներով պարզվել է տեսանյությում երևացող անձի ինքնությունը։
Նա հայտնաբերվել է և ներկայացվել նախաքննական մարմին։
Նշենք, որ ավելի վաղ սոցիալական ցանցերում տարածվել էր տեսանյութ, որում մի երիտասարդ Ծիծեռնակաբերդի այգում հարվածում էր շանը: Լրատվամիջոցներն ավելի ուշ հրապարակել էին երիտասարդի մասնակցությամբ մեկ այլ տեսանյութ ևս՝ դարձյալ շան նկատմամբ դաժան վերաբերմունքի կադրերով:
.gif)
