Հարավային Կովկասում կայուն խաղաղության հասնելու բանալին երկխոսությունն է։ Ինչպես հաղորդում է «Արմենպրես»-ը, Հայաստանի և Ադրբեջանի արտաքին գործերի նախարարների հետ առանձին, իսկ այնուհետև եռակողմ բանակցություններից հետո այս մասին «Թվիթեր»-ի իր էջում գրել է ԱՄՆ պետքարտուղար Էնթոնի Բլինքենը։
«Այս շաբաթ հյուրընկալում եմ Հայաստանի արտաքին գործերի նախարար Արարատ Միրզոյանի և Ադրբեջանի արտաքին գործերի նախարար Ջեյհուն Բայրամովի խաղաղ բանակցությունները Ջորջ Շուլցի անվան արտաքին քաղաքական ուսումնական կենտրոնում։ Հարավային Կովկասում կայուն խաղաղության հասնելու բանալին երկխոսությունն է»,- գրել է Բլինքենը։
Մայիսի 1-ին ԱՄՆ պետքարտուղար Էնթոնի Բլինքենը Վաշինգտոնում առանձին հանդիպումներ է ունեցել Հայաստանի և Ադրբեջանի արտաքին գործերի նախարարների հետ, այնուհետև կայացել է նրանց եռակողմ հանդիպումը։
.gif)
