ՏԵՍԱՆՅՈՒԹ. Կյանքից զրկվածը կրոնական կազմակերպության առաջնորդներից է եղել. ինչ գործով է նա զբաղվել

ArmLur.am-ին հասած տեղեկությունների համաձայն՝ Երևանում օրերս կրակոցից սպանված տղամարդը կրոնական կազմակերպության առաջնորդներից է, որը զբաղվել է կազմակերպության ֆինանսական հանգանակություններով, իսկ թե որքանո՞վ նրա սպանությունը կապ ունի գործունեության հետ, կպարզեն իրավապահները:

Հիշեցնենք, որ ապրիլի 30-ին, հրազենի գործադրմամբ սպանություն է տեղի ունեցել Երևանում։

Ինչպես հայտնում է shamshyan.com-ը՝ Ժամը 23։50-ի սահմաններում ՀՀ Ներքին գործերի նախարարության Ոստիկանության օպերատիվ կառավարման կենտրոն ահազանգ է ստացվել, որ Մյասնիկյան պողոտայի 2-րդ շենքի 1-ին մուտքի դիմաց արնահոսող տղամարդ կա, ով անգիտակից վիճակում է։

Ոստիկաններն ու քննիչները դեպքի վայրում հայտնաբերել են 2 հատ 9մմ տ/չ կրակված պարկուճ և 1 կրակված գնդակ, իսկ մուտքի ալյումինե դռան վրա՝ կրակոցի հետք։

Ոստիկաններն ու քննիչները պարզել են, որ սպանվածը նույն շենքի բնակիչ 54-ամյա Սողոմոն Վ․-ն է, ում ուղղությամբ և կյանքից զրկելու նպատակով՝ անհայտ անձը դեռևս չպարզված տեսակի ատրճանակից 2 անգամ կրակոց է արձակել և կյանքից զրկել նրան։

Քննիչի որոշմամբ՝ նշանակվել են մի շարք փորձաքննություններ, այդ թվում՝ դիակի դատաբժշկական։

Քնար Մանուկյան