ՄՏԱԴԻՐ Է ԱՅՑԵԼԵԼ ՀԱՅԱՍՏԱՆ

Ամերիկացի դերասան Ջո Մանգանիելոն հայտնի է «Սուպեր Մայք» եւ «Իրական արյուն» ֆիլմերում իր հիթային դերերով, իսկ այժմ նա կիսվել է իր ընտանիքի պատմությամբ, արմատներով եւ հայկական մշակույթով։

Գլենդելի «Ալեքս» թատրոնում Հայոց ցեղասպանության զոհերի հիշատակին նվիրված միջոցառման ժամանակ նա խոսել է իր ընտանիքի անցյալի մասին։ Ջոն պատմել է իր մեծ տատի պատմությունը, որը փրկվել է 1915 թվականի Հայոց ցեղասպանությունից եւ տեղափոխվել Ամերիկա։

1915 թվականին Օսմանյան կայսրության (ժամանակակից Թուրքիա) ձեռքով սպանվել է 1,5 միլիոն հայ։ Հայերին վտարել են իրենց տներից, տանջել, սովամահ արել ու սպանել։ Օսմանյան կայսրությունը գրավել է նաեւ Արեւմտյան Հայաստանի հողերը։ Նրա մեծ տատը ողջ է մնացել, սակայն նրան ուղարկել են վերաբնակեցման ճամբար, ուր հղիացել է գերմանացի սպայից։

Ծնվել է աղջիկ՝ Մանգանիելոյի տատիկը, եւ, ի վերջո, տեղափոխվել է Վուսթեր՝  Մասաչուսեթս նահանգ, եւ ամուսնացել է հայի հետ:

Մանգանիելոն նշել է, որ կարեւոր է նախնիների պատմություններով կիսվելն ու խնդիրների վերաբերյալ իրազեկվածության տարածումը։ «Ես չէի գիտակցում, թե որքան թերի է ներկայացված հայոց պատմությունը։ Ես չէի գիտակցում միայն այն պատճառով, որ իմ մեծ տատիկը ողջ էր մնացել, ուստի կարող եմ այսօր լինել այստեղ՝ պատմելու նրա պատմությունը, անունը տալու եւ մասնակցելու դոկտոր Գեյթի «Արմատները փնտրելով» շոուում, որպեսզի կարողանամ կիսվել նրա պատմությամբ։ Ես չէի հասկանում, թե այս պատմություններից քանիսը չեն լսվել, եւ քանի հոգի չգիտի հայերի պատմությունը»,- ասել է նա։

«Վայրագությունները շարունակում են տեղի ունենալ նույնիսկ հիմա։ Սա միանշանակ ճիշտ չէ. եթե ինչ-որ հետեւանքներ լինեին, ապա միգուցե կարողանայինք խուսափել Երկրորդ համաշխարհային պատերազմի ժամանակ տեղի ունեցածից»,- ասել է Մանգանիելոն։

«Երբ կա սփյուռք, երբ կան մարդիկ, որոնք շրջում են, որոնք գոյատեւում են սննդի, մշակույթի, լեզվի, կրոնի շնորհիվ, ես հասկանում եմ, թե ինչու էր դա այդքան կարեւոր նրա համար»:

Մանգանիելոն գենետիկ թեստի միջոցով է իմացել իր ընտանիքի անցյալի եւ բազմամշակութային արմատների մասին: Նա նաեւ կիսվել է իր պատմությամբ եւ ավելին իմացել դրա մասին, երբ հայտնվել է Հենրի Լուիս Գեյթսի «Փնտրելով արմատները» շոուի մի դրվագում: Նրա խոսքով՝ ամբողջ գործընթացը տեւել է մոտ 10 տարի։ «Այնպես որ, ինչպես ասացի, դա մեծ բացահայտման գործընթաց էր: Եվ հիմա ես կարող եմ ժամանակս ծախսել՝ սովորելով այս բոլոր բաները, ապա գտնել դրանց մասին տարբեր ձեւերով խոսելու ուղիներ»,- նշել է նա:

Նրա մայրը հայուհի է եղել, ուստի Մանգանիելոն եւ նրա եղբայրը մեծացել են հայկական սննդով, մշակույթով եւ լեզվով շրջապատված։ «Մայրս հայ էր, ուստի, գիտեք, ես մեծացել եմ այդ ուտելիքով: Ես մեծացել եմ խաղողի թփերով, լահմաջոյով, սուջուխով, փլավով ու թաբուլեով։ Դա իմը չէ, բայց տոննաներով եմ կերել։ Եվ մայրս մեզ համար հենց դա էր պատրաստում»:

Մանգանիելոն եւ նրա եղբայրը եւս մասնակցել են Թուրքիայի հյուպատոսության դիմաց անցկացվող բողոքի ակցիային։ Նա դեռ Հայաստանում չի եղել, բայց նախատեսում է շուտով գալ եղբոր հետ՝ կապված նոր նախագծի հետ, որի վրա աշխատում է։ Նա ասել է, որ սեփական ընտանիքի պատմությունն իմանալը եւ այն աշխարհի հետ կիսվելը դարձնում է այն ամբողջական ու քաջալերում է բոլոր մարդկանց կիսվել իրենց նախնիների պատմությունով եւ չմոռանալ, թե որտեղից են նրանք եկել:

«Ես միշտ կհպարտանամ այն ամենով, ինչի միջով անցել է իմ մեծ տատիկը, որպեսզի կարողանամ այստեղ լինել։ Ես սա միշտ ինձ հետ եմ տանելու եւ կարծում եմ, որ յուրաքանչյուր հայ պետք է հպարտանա իր նախնիներով ու նրանց արածով, որպեսզի մենք բոլորս այստեղ լինենք»։

ՔԵԶ ՄՈՏ ԱՎԵԼԻ ԼԱՎ Է ՍՏԱՑՎՈՒՄ…

Ռուսաստանաբնակ երգչուհի Եվա Ռիվասը սոցիալական ցանցի իր էջում նոր հոլովակ է հրապարակել, որտեղ կատարում է Սոսո Պավլիաշվիլիի «Թ ՎՏպՎ րպՐՊՓպ ՉպրվՈ» երգի «քավր» տարբերակը։

«10-ը բալային համակարգով գնահատեք «քավր»-ս։ Մաղթում եմ, որ ձեր սրտերում էլ նույնքան տաք գարուն լինի, որքան հիմա մեզ մոտ է»,-գրել է երգչուհին։

Եվայի «քավր» կատարումը, իհարկե, գնահատել են հետեւորդներից շատերը, այդ թվում՝ նաեւ հենց ինքը՝ Սոսո Պավլիաշվիլին։ «Անհավանական է։ Եթե այսպես երգես, բոլոր դահլիճները քոնը կլինեն։ Շնորհակալ եմ իմ արվեստի նկատմամբ այսպիսի վերաբերմունքի համար։ Եթե ցանկություն ունենաս, կարող ես այն կատարել ցանկացած գործիքավորմամբ եւ ցանկացած լեզվով։ Քեզ մոտ ավելի լավ է ստացվում, քան ինձ մոտ»,-գրել է հայտնի երգիչը։ Երգչուհին արձագանքել է մեկնաբանությանը՝ նշելով, որ բաց չի թողնի նման հնարավորությունը։